الحوار المثالى بين الشباب والبنات ....بليز الكل يدخل ويرد ..

انا بضايق من البنات اللى بيلبسوا على الموضة فهمين طبعا ( الموضة )







_______________________________________

ربنا اتنا فى الدنيا حسنة وفى الاخرة حسنة وقنا عذاب النار

على فكرة مش كل الموضة وحشة يعنى مثلا ممكن البنت تلبس على الموضة بس لبس محترم ..صح ؟

وده بقى بيتوقف على شخصية البنت نفسها

ايوة عندك حق












________________________

ربنا اتنا فى الدنيا حسنة وفى الاخرة حسنة وقنا عذاب النار

انا بتضايق جدا من الشباب اللى بيدخنوا ممكن اعرف التدخين بيفيدهم فى ايه ؟؟؟؟؟؟؟؟؟؟؟؟

وياريت اللى يجاوب يسال سؤال
وهكذا ...... اللى بعده

اللى بيدخن دة انسان مشعارف ايمة نفسة
ومبيحبش الناس اللى حوالية علشان بيضرهم



انا بضايق من البنات اللى بيخرجوا على كل شوية لية متقعدشى فى البيت وتخرج وقت اللزوم ؟؟؟

___________________________________________________________

ربنا اتنا فى الدنيا حسنة وفى الاخرة حسنة وقنا عذاب النار

فى نوعين من البنات فى الخروجات :
فى بنات بتخرج كتير بس بتكون خروجاتها عند قرايبها ..عند اخواتها....فى اماكن موثوق فيها

وفى بنات بيخرجوا عشان يقابلوا شباب ......يقعدوا فى الكافيتريات ....يعنى خروجات مش محترمة
اهم حاجة ان البنت المحترمة لما تخرج لوحدها ما تتاخرش


هل الشاب ممكن يحترم بنت بتمشى معاه او بتكلمه فى التليفون وده طبعا كله بيبقى من ورا الاهل وهل ممكن يتجوزها فى يوم من الايام ؟

لالالالالالالالالالالالالالالالالالالالالالا

انا عايز اعرف لية البنات اكثرهم ملهمشى شخصية ؟





__________________________________________


ربنا اتنا فى الدنيا حسنة وفى الاخرة حسنة وقنا عذاب النار

والله عندك حق انا بلاحظ ان فى بنات بس مش كلهم طبعا شخصيتهم ضعيفة وانا بصراحة مش بحب النوعية دى خااااااالص لان
انا شخصيتى قوية جداً
وعلى فكرة شخصية البنت بالخصوص بتتكون على حسب البيئة اللى اتربت فيها
وحسب الافكار اللى رسختها الاسرة فيها من وهى صغيرة زى مثلا فى ناس بيربوا بناتهم وهما صغيرين على ان طالما الرجل قال كلمة يبقى انتى ما تتكلميش وفى ناس بتربى بناتها على الثقة فى النفس وانه لازم يكون ليها راى
وده كمان بيبان بعد الجواز ان فى بنات مهما ازواجهم عملوا ما يقدروش يتكلموا
وفى واحدة تحترم راى زوجها وهو طبعا اللى هيمشى بس بتقول رايها وتقنع بيه زوجها لو كانت هى اللى صح بس بطريقة ذكية
وفى ستات هما اللى ممشيين ازواجهم ودول طبعا بيبقوا مجرميييييييييييييييييييين وازواجهم ماسكين فى ديلهم

الموضوع كمان بيتوقف على شخصية البنت نفسها




انا مش بيعجبنى الشباب اللى بيلعبوا بمشاعر البنات .ممكن اعرف هما بيعملوا كده ليه ؟

(........والله ياشذى مش عارفة اقولك اية افكارك فعلا ديما جميلة جدا .......)
بس انا بقى نفسى اسال سؤال واحد ومش للجنس التانى لا انا بسال السؤال دة للبنات ؟؟؟؟
لية كل البنات فى الجامعة شغلهم الشاغل الاصطناع وديما عايزين يلفتو نظر الولاد بيهم من طريقة لبسهم او اسلبوهم او كل الى بنشوفة دة بجد حاجة بقت زيادة اوى وتضايق جدا .............؟؟؟؟؟
وعلى فكرة رائى بالنسبة لشخصية البنت الى كنتى بتتكلمى فية انا وجهة نظرى ان البنت المحترمة بنت الاصول شخصيتها ملهاش جدال واقصد بالبنت المحترمة بنت الاصول الى هى زى امهاتنا يعنى حاليا لو واحد شاف بنت محترمة او كدة وشاف فيها مميزات كويسة بيقول عليها دى زى امهاتنا بتوع زمان ودى فعلا الى تنفع زوجة المستقبل لكن بجد الى بلاقية فى الجامعة حاليا دة مساخر دول حتى مينفعوش زوجات لمدة يوم ......
ومرسى لتانى مرة على زوقك وموضوعاتك الهايلة ...............

والله يا قمر انا بجد حبيتك من غير ما اتعرف عليكى وانا بجد بشكرك على افكارك المميزة والرائعة
وانا فعلا معاكى ان البنات بيروحوا الجامعة وكانهم رايحين عرض ازياء كل واحدة بتحاول تبين انها اجمل واحدة فى الكلية ويملوا وشهم ميك اب وبيحاولوا يتعرفوا على اولاد كتير على انهم زملاء وبعدين كل اتنين من الشلة يقربوا من بعض ويعيشوا قصة حب ويقولها ممكن تستنينى لغاية ما اخلص ؟ تقوله انا هستناك العمر كله ....... وبعدين شوية وتنصدم البنت بالواقع ويصدمها الشاب اللى حبيته لما يسيبها ويقولها مش هينفع نكمل مع بعض وللاسف اختى البنت مش بتتعلم من خطأها وبتدخل فى تجربة تانية وتالتة وبتفرط فى مشاعرها واحاسيسها الجميلة اللى المفروض تدخرها لحبيبها الشرعى "زوجها"
لغاية ما تبقى عاملة زى ما واحد يلاقى علبة كانز مفتوحة هل ممكن انه ياخدها ويشربها بالضبط البنت اللى بتكلم ولاد فى الجامعة بتقول لمليون شاب بحبك لو فى انسان محترم مش هيرضى ابدا ان الانسانة اللى هيتجوزها تكون زى علبة الكانز
وبالنسبة للبس تاكدى ان الانسان اللى يرضى ان بنته او زوجته تلبس اللبس الخليع اللى موجود فى الجامعات دلوقتى ده اكيد انسان مش طبيعى

شكرا ليكى مرة تانية وكلك ذوق يا قلبى و
اسفة انى دخلت فى مواضيع كتير وطولت فى الرد
تقبلى خالص تحياتى

الله يخليكى يا قلبى بجد انتى كلك ذوق وفعلا عندك حق فى كل كلمة قولتيها
وميرسى ليكى مرة تانية




وسؤالى للشباب مرة تانية ليه الشباب بيتلاعبوا بمشاعر البنات , انا بجد بتضايق من الشباب اللى بيعملوا كده

الله اعلم هما بيعملوا كدا لية ممكن يكون سوء تربية
المشكلة فى البنت اللى بتسمح بكدة
واكثر الشباب انهم يعنى بيتفاخروا بكدة قدام اصحابهم يعنى يتكلم معاها قدام اصحابة ال الواد فتك مقطع السمكة
وانا بقول كلمة للشباب ( اللى مترضهوش على نفسك مترضهوشى على بنات الناس )
_______________________________________________________

ربنا اتنا فى الدنيا حسنة وفى الاخرة حسنة وقنا عذاب النار

شكرا النقيب حمزة على ردك الرائع


ملحوظة "اللى يجاوب يسال سؤال للطرف الاخر " وهكذا ...
تحياااااااااااااااااتى

حاجه ليه البنات بالرغم من اللى بيشوفوه وبيسمعوه من تجارب ناس تانيه بردو بيصمموا انهم يحبوا ويصقوا فى الولادحاجه بجد غريبه بس سؤالى ليه البنت متستناش الحب اللى بجد اللى فى النور من الانسان اللى ربنا كاتبهولها لان انا واثقه ان مفيش واحده حتتجوز الا اللى ربناكاتبهولها فليه بيدورو كل حاجه حاتيجى فى وقتها يا بناااااااااااااااااااااااات

اسمحيلى اسجل اعجابى الشديد بالموضوع الرائع دة واحب ارد على بعض الاسئلة مرة واحدة انا من خلال خبرتى صدقونىالمشكلة مشكلة بيت و ام واب مش مشكلة ولد وبنت لو كل واحد من الى زكرتهم كرث منوقتة وجهدة لتربية الاولاد صدقونى مش حيكون فى اى شىء من كل دة لان ولادنا صورة لكل بيت تقبلوا تحياتىوامنياتى بالتوفيق

الله يهديهم الطرفين ولو كل شخصين حبو بعض واخلصو لبعض كان ماضل في بنت او شب بدون حب
والي بتسلا بمشاعر الطرف الثاني مع احترامي الو هذا مريض وماعندو اخلاق سواء بنت او شب