صفات البنت المصرية

نظرا للمواضيع الاخيره من الجنس الخشن قصدى الناعم (خطأ املائى مقصود) فى منتدانا الجميل

لازم برضه نعمل وقفه .... وقفه م اللى هى دى

وموضوعى انهارده عن صفات البنات المصريات

وربنا يسترها يا رب

الصفه الاولى

اللسان

البنت المصريه ربنا واخد منها كل حاجه ومديها لسان زى الحربايه_ والعياز بالله_

لو فكرت انك تتريق على واحده اكيد مش هتسلم من لدغته _ يلا تستاهل_
وخاصه لو كانت عامله التحجيبه سبانش _ احذر من دول _
صفات البنت المصرية 2145-8511-3760

الصفه التانيه

التناكه

البت من دول تلاقيها مناخيرها فى السما _ على ايه يعنى _
ولو اضطرتك الظروف لانك تقرب جنبها لاى سبب من الاسباب حتى لو هى مش فى دماغك اصلا ولا انت واخد بالك منها

تلاقى عرق التناكه نقح عليها وفاكراك عاوز تكلمها على اساس ان خلاص يعنى مفيش غيرها فى الدنيا
وتلاقيها بصتلك بطرف عنيها كدا علشان متبينش اهتمام وتبعد خطوه صغيره اوى مبتغيرش مكانها اصلا

يا دوب بس تحسسك ان فى كائن جنبك
تعالى بئى فى كليات العملى زى الطب والهندسه والصيدله
لو اضطريت انك تكلم واحده زميلتك فلازم تجهز مليون سبب مقنع لسايدتها علشان متتنكش عليك طبعا
هتبدأ بئى تسألها عن محاضرا وكلام فارغ وهى هتستهبل وتعمل انها مصدقه _ ال يعنى مفيش طلبه غيرها فى الدفعه _

ناس تنرفز والله يا اخى صفات البنت المصرية 9119-7964-1817

الصفه التالته

الشياكه
الشهاده لله يعنى البنات دلوئتى بيهتمو بنفسهم اوى

يعنى لو تفتكر فى اول سنه فى الكليه البنت بتدخل وكأنها هتشوف عريسها

السنه دى وفى اول رمضان مع بدايه الدراسه قابلت واحده فى وسط البلد عندنا اعرفها اسألها ياخويا رايحه فين قالتلى رايحه اشترى ميكب يا حاجه داحنا فى رمضان بس بكره الكليه اه اذا كان كدا معلش طبعا كلكو فاكرين القصه بتاعه الست اللى كانت كل يوم تصحى تلاقى وشها غرقان ميه :
بس بالرغم من كدا علماء الاجتماع بيقولو ان الجيل الجديد هيغير الصوره دى للست المصريه

يعنى ممكن لو لاقدر الله اتجوزت تدخل تلاقى مراتك شبه البنى آدمين عادى يعنى مش هتلاقى اريال طالع من دماغها ولا ريحه البصل مبهدله الدنيا

يمكن يا عم متتشائمش :

الصفه الرابعه

احتقار الرجل

متفهمش يا اخى الستات والبنات بيحتقرو الرجاله كدا متفهمش ليه

على اساس يعنى انهم ولاد ناس وحنا ولاد .......................

ناس تانين ؟

بس العرق الفرعونى نقح عليا فى الايام اللى فاتت وافتكرت السبب

فى راجل رحاله من زمان اوى لاحظ سلوك الستات ده وارجعه لوقعه تاريخيه معروفه اوى
وهى حادثه خروج فرعون لمقابله سيدنا موسى
خرج فرعون مع ساده مصر فى وقتها
ومفضلش فى البيوت غير الستات والعبيد
وبعد هلاك فرعون واللى معاه بطبيعه الحال الستات اتجوزو من عبيدهم

وهوده السر فاكرينا عبيد عندهم حضاراتهم :

الصفه الخامسه

الاجتماعيه

البنت المصريه اجتماعيه بدرجه جيد جدا

فى ثانيه كدا تلاقيها رمت ودنها فى اى حوار ومتسيبوش الا ما تجيب اخره

وطبعا بأجتماعيتها دى بتعرف تجيب اطراف الموضوع من كل الناس

ياريت يا جماعه محدش يزعل الموضوع كله هزار بجد والله البنت المصرية ماتلاقيش زيها فى طيبه قلبها وادبها وحنيتها كفاية ان هيا مصرية مش اكتر

من طرف **شذا روحى** الجمعة أكتوبر 10, 2008 8:08 am

بما انى مصرية موووووووووووووت راح ارد عليك على كل نقطة
اولاااااااا عايزة اعرف انتى جنسيتك ايه وليه بتكره البنات المصريات قوووووووى كده ؟؟؟؟؟؟؟؟؟؟؟؟؟

اول حاجة البنت المصرية لسانها مش طويل ومش زى الحرباية بس اللى يقل ادبه عليها يبقى يستاهل اللى يجراله ......صح ولا غلط ؟؟؟؟؟؟؟؟؟ يعنى انت مثلا ولد بس لو حد اتريق عليك او شتمك اكيد مش هاتقوله ميرسى على الشتيمة يا باشا !!!!!!!!اكيد اقل حاجة انك هاتطلع عينه وعين.......... صح ولا لأه؟؟؟؟؟؟؟؟؟؟؟

تانى حاجة انت بتقول ان البنت المصرية بتتميز بالتناكة!!!!!!! مش عارفة ليه كل ولد مفكر ان البنت اللى ما ترضاش تكلمه انها مغرورة ومناخيرها فى السما انا عن نفسى فى الكلية اصحابى كلهم بنات ماليش اصحاب ولاد خااااااااااااااااالص بس ده مش علشان انا مغرورة لأ ...لكن انا مبدأى انى ما اكلمش ولاد غير خطيبى ..... واظن ان دى حاجة شخصية .....صح؟؟؟؟؟؟؟؟؟؟؟

تالت حاجة الشياكة طبعا ما تقدرش تتكلم فيها لأن طبعا عمر ذوقكم ما يوصل لذوق البنات ابدااااااااااااااااااااااااا

اما عن احتقار الرجل فوالله ماحد بيحب الرجل زى البنت اللى يتحبه عارف لييييييييييه؟؟؟؟؟؟
انا عن نفسى خطيبى او جوزى هو الملك فى حياتى ولازم احسسه دايما ان هو اهم واغلى حاجة فى حياتى لآن هو الانسان الوحيد اللى بحس جنبه انى ضعيفة وبحس دايما جنبه بالأمان والمرأة تحتقر الرجل الذى تفقد معه احساسها بالضعف يعنى الراجل اللى شخصيته ضعيفة او الراجل اللى مش محترم او الراجل البخيل او.....اى راجل فيه صفة حقيرة اما ماعدا ذلك من الرجال فهما والله فى عيونا لإننا مالناش غيرهم فى الدنيا دى وبنمووووووووووووووووت فيهم

اما عن الاجتماعية مش هاقولك حاجة لإن كل ستات العالم اجتماعييييييين وممكن يكون فى ستات حشرية لاكن مش كل الستات
زى بعضها
ووالله البنت المصرية مش هاتلاقى فى رقتها ولا احساسها ولا احترامها للراجل
وعالعموم يا غالى ميرسى قووووووووووووووى على الموضوع واتمنى انك ترتبط ببنت تنسيك الدنيا وتغير وجهة نظرك عن البنات

تقبل مرورى

على فكرة انا مصرى والله مش حاجة تانية مع احترامى لكل الحاجات التانية ....بس الموضوع كله شويه هزار عايز اسخن البنات اللى فى المنتدى عشان يورونا مواضيعهم الجامده والله العظيم ما فى احلى من البنت المصرية فى الدنيا دى كلها كفاية بس انها مصرييييييييييييييييييييييييييييييييييييييييييييييييييييييييييييييييية